فراموش کردم
رتبه کلی: 2218


درباره من
آلما هئیوا. (fariba-t )    

آغیر گئجه

منبع : http://ishiq.net/?p=539
درج شده در تاریخ ۹۲/۰۷/۱۱ ساعت 01:01 بازدید کل: 113 بازدید امروز: 1 1 می‌پسندم  
 

گئجه‌نین قارانلیغی‌نین آغیرلیغین چیینلرینده حیس ائدیردی. ائله بیل دونیانین آغیرلیغین اونا یوکله‌میشدیلر. قورغوشون دولو هاوا اونا نفس چکمه‌یی چتینلشدیریردی. هر آددیم گؤتوردوکجه سانکی چیینینده کی یوک بیر آزدا آغیرلاشیردی. دهشتلی آنلارین دؤزولممزلیگی اونو سارسیدیردی. ایندیه‌دک بو قده‌ر آیاقلارینین تابسیزلیغینی بیلمه‌میشدی. هاراسا گئدیردی اؤزوده بیلمیردی؛ آنجاق ایندی فیکیر- خیال اونا حکم وئریردی.

سانکی گؤزلری باخار کورایمیش. اطرافیندا دولاشانلاری، کوچه‌ده گلیب- اوتنلری‌ده بئله هئچ گؤرموردو. نه ائده‌جه‌یینی، هاراسا گئده‌جه‌یینی‌ده آنلامیردی، آنجاق بو آغیر یوکو بیر یئره داشیماق زوروندایدی. بو فیکیر زولاق- زولاق هاوانی دولاشان بیر سیگارئت توستوسو کیمین اونون ایچه‌ری عالمینی بورویوردو.

هر آددیم آتدیقجا او سانکی اؤزوندن اوزاقلاشیر، منلییی- کیملییی شوبهه آلتینا دوشوردو. زامان – زامان دوشونه‌رک، اوزاقلارا گئدیر، باشی هرله‌نیر، اویاخلیقلا –یوخو آراسیندا کابوس دولو آنلار کئچیریردی. هردن بیر وار گوجونو آووجلاریندا توپلاییب، اؤنه آپاریر نسه بیر یئردن توتوب، وار گوجویله ایستردی کی او یوکون آلتیندان خیلاص اولسون. آمما اونوندا نتیجه سیز اولدوغونو دویوب، ائتدیی حرکتدن پئشمانچیلیق چکیردی.

گؤزونون اطرافیندا یومشاق بیر یوخلوغون و ایتیرمه‌نین حیسسینه آلیشیردی. بو ایتیرمه اونون کیپریکلرینی آغیرلاداراق، قاپاماق زوروندایدی. آمما گؤزلرینین اؤنونده حرکته باشلایان “دومانلی فیرلاماجلار” کیپریکلرینین اؤرتولمه‌سینه مانعه تؤره‌دیردی. هردن بیر دؤنوب، گئرییه هاراسا اوزاقلارا زیلله‌نه‌رک آجیلی- شیرینلی خاطیره آختاریردی. هارداسا بیر خوش خاطیره یادینا سالیر، نسه اطرافی بوروین “دومانلی فیرلاماجلار” اونو تئز فیکیر – خیالدان یاییندیریردی.

هر ایکی یانیندان آسلانان قوللاری او قده‌ر آغیرلاشمیشدی کی دیزلرینین تاب گتیرمه‌سینه گومانی گلمیردی. ائله بو ندندنده بیر یئره، بیرینه سؤیکنمه‌یی آرزولاییر کیمی اطرافی سوزدو. یاخینلیقدا ایللر بویو گؤرمه‌دیگی، گؤده‌سی یوغون پلمه‌لره اوجالمیش، تاریخلردن قالمیش بیر چیناری گؤردوکده، اونا طرف یاخینلاشدی. آغاجا سؤیکنه‌رک دیزلری تاب گتیرمه‌دی، مولاییم سوروشمک حالیندا آغاجین دیبینده تورپاغا سریلدی.

ایندی بیر آز توختامیشدی. او فیرلاماجلاردا یوخ اولموشدو. یاواش-یاواش دان یئری سؤکولوردو. هارداسا اوزاقدان بیر قوش سسی ائشیدیلیردی. دهشتلی گئجه‌نین اؤتمه‌سی و گونشین گلمه‌سینی دوشونوردو. او اوشویه‌رک، نسه ایچه‌ریسنده بیرحیسسین قزینماغینی آنیردی. او گونش کیمین یئنی‌دن دوغولوردو؛ آلیشماغا، نورساچماغا…

 

ائلیار پولاد

 

   

تاریخ آخرین ویرایش مطلب: تاریخ آخرین ویرایش: ۹۲/۰۷/۱۱ - ۱۳:۴۹

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
بله دختر خانوم باشمام خجالتم خوب چیزیه گاهی زندگی کردن بیشتر شهامت می خواهد تا این که خودت را خلاص کنی یا امام زمان .... هوووی دخترک پولدار آب دٌر گرانی است که از دست میرود و دریاچه هایمان در صف خشک شدن «مــن مـَـــــرد رویاهـــای تـــو نـیـسـتـم!» فیستوال شروع شد بــــه نــــامــ خـــــــدا...بــــه یـــــاد خـــــــدا... فیزیوتراپی ولیزردرمانی توانا-با17سال سابقه فیزیوتراپی-فیزیوتراپیست وکارشناس ارشد آسیب های ورزشی وحرکات اصلاحی قابل توجه دانش آموزان، دانشجویان، فارغ التحصیلان، کارجویان و شاغلین
کاربران آنلاین (188)